இகல்

851

இகல் என்ப-எல்லா உயிர்க்கும் பகல் என்னும்

பண்புஇன்மை பாரிக்கும் நோய்.

852

பகல் கருதிப் பற்றா செயினும், இகல் கருதி,

இன்னா செய்யாமை தலை.

853

இகல் என்னும் எவ்வ நோய் நீக்கின், தவல் இல்லாத்

தா இல் விளக்கம் தரும்.

854

இன்பத்துள் இன்பம் பயக்கும்-இகல் என்னும்

துன்பத்துள் துன்பம் கெடின்.

855

இகல் எதிர் சாய்ந்து ஒழுக வல்லாரை, யாரே,

மிகல் ஊக்கும் தன்மையவர்?.

856

இகலின் மிகல் இனிது என்பவன் வாழ்க்கை

தவலும் கெடலும் நணித்து.

857

மிகல் மேவல் மெய்ப் பொருள் காணார்-இகல் மேவல்

இன்னா அறிவினவர்.

858

இகலிற்கு எதிர் சாய்தல் ஆக்கம்; அதனை

மிகல் ஊக்கின், ஊக்குமாம் கேடு.

859

இகல்காணான், ஆக்கம் வருங்கால்; அதனை

மிகல் காணும், கேடு தரற்கு.

860

இகலான் ஆம், இன்னாத எல்லாம்; நகலான் ஆம்,

நல் நயம் என்னும் செருக்கு.