பகைமாட்சி

861

வலியார்க்கு மாறு ஏற்றல் ஓம்புக! ஓம்பா,

மெலியார்மேல் மேக, பகை!.

862

அன்பு இலன்; ஆன்ற துணை இலன்; தான் துவ்வான்;-

என் பரியும், ஏதிலான் துப்பு?.

863

அஞ்சும்; அறியான்; அமைவு இலன்; ஈகலான்;-

தஞ்சம் எளியன், பகைக்கு.

864

நீங்கான் வெகுளி; நிறை இலன்;- எஞ்ஞான்றும்,

யாங்கணும், யார்க்கும், எளிது.

865

வழி நோக்கான்; வாய்ப்பன செய்யான்; பழி நோக்கான்;

பண்பு இலன்;- பற்றார்க்கு இனிது.

866

காணாச் சினத்தான், கழி பெருங் காமத்தான்,-

பேணாமை பேணப்படும்.

867

கொடுத்தும் கொளல்வேண்டும் மன்ற- அடுத்து இருந்து,

மாணாத செய்வான் பகை.

868

குணன் இலனாய், குற்றம் பலஆயின், மாற்றார்க்கு,

இனன் இலன் ஆம்; ஏமாப்பு உடைத்து.

869

செறுவார்க்குச் சேண், இகவா, இன்பம்-அறிவு இலா

அஞ்சும் பகைவர்ப் பெறின்.

870

கல்லான் வெகுளும் சிறு பொருள், எஞ்ஞான்றும்,

ஒல்லானை ஒல்லாது, ஒளி.