மன்னரைச் சேர்ந்து ஒழுகல்

      691

அகலாது, அணுகாது, தீக் காய்வார் போல்க-

இகல் வேந்தர்ச் சேர்ந்து ஒழுகுவார்.

      692

மன்னர் விழைப விழையாமை, மன்னரான்

மன்னிய ஆக்கம் தரும்.

      693

போற்றின் அரியவை போற்றல்-கடுத்தபின்,

தேற்றுதல் யார்க்கும் அரிது.

      694

செவிச் சொல்லும், சேர்ந்த நகையும், அவித்து ஒழுகல்-

ஆன்ற பெரியார் அகத்து!.

      695

எப் பொருளும் ஓரார், தொடரார், மற்று அப் பொருளை

விட்டக்கால் கேட்க, மறை!.

      696

குறிப்பு அறிந்து, காலம் கருதி, வெறுப்பு இல

வேண்டுப, வேட்பச் சொலல்!.

      697

வேட்பன சொல்லி, வினை இல எஞ்ஞான்றும்

கேட்பினும், சொல்லா விடல்!.

      698

'இளையர், இன முறையர்' என்று இகழார், நின்ற

ஒளியொடு ஒழுகப்படும்.

      699

'கொளப்பட்டேம்' என்று எண்ணி, கொள்ளாத செய்யார்-

துளக்கு அற்ற காட்சியவர்.

      700

பழையம் எனக் கருதி, பண்பு அல்ல செய்யும்

கெழுதகைமை கேடு தரும்.