படைச் செருக்கு

      771

என்னை முன் நில்லன்மின்-தெவ்விர்! பலர், என்னை

முன் நின்று கல் நின்றவர்.

      772

கான முயல் எய்த அம்பினில், யானை

பிழைத்த வேல் ஏந்தல் இனிது.

      773

பேர் ஆண்மை என்ப, தறுகண்; ஒன்று உற்றக்கால்,

ஊராண்மை மற்று அதன் எஃகு.

      774

கை வேல் களிற்றொடு போக்கி வருபவன்

மெய் வேல் பறியா, நகும்.

      775

விழித்த கண் வேல் கொண்டு எறிய, அழித்து இமைப்பின்,

ஓட்டு அன்றோ, வன்கணவர்க்கு?.

      776

விழுப்புண் படாத நாள் எல்லாம் வழுக்கினுள்

வைக்கும், தன் நாளை எடுத்து.

       777

சுழலும் இசை வேண்டி, வேண்டா உயிரார்

கழல் யாப்புக் காரிகை நீர்த்து.

       778

உறின், உயிர் அஞ்சா மறவர், இறைவன்

செறினும், சீர் குன்றல் இலர்.

       779

இழைத்தது இகவாமைச் சாவாரை, யாரே,

பிழைத்தது ஒறுக்கிற்பவர்?.

       780

புரந்தார் கண் நீர் மல்கச் சாகிற்பின், சாக்காடு

இரந்து கோள்-தக்கது உடைத்து.