நிறை அழிதல்

1251

காமக் கணிச்சி உடைக்கும்-நிறை என்னும்

நாணுத் தாழ் வீழ்த்த கதவு.

1252

காமம் என ஒன்றோ கண் இன்று! என் நெஞ்சத்தை

யாமத்தும் ஆளும், தொழில்.

1253

மறைப்பேன்மன் காமத்தை யானோ; குறிப்பு இன்றித்

தும்மல்போல் தோன்றிவிடும்.

1254

நிறை உடையேன் என்பேன்மன், யானோ; என் காமம்,

மறை இறந்து, மன்றுபடும்.

1255

செற்றார்பின் செல்லாப் பெருந்தகைமை, காம நோய்

உற்றார் அறிவது ஒன்று அன்று.

1256

செற்றவர்பின் சேறல் வேண்டி,-அளித்துஅரோ!-

எற்று, என்னை உற்ற துயர்?.

1257

நாண் என ஒன்றோ அறியலம்-காமத்தான்,

பேணியார் பெட்ப செயின்.

1258

பல மாயக் கள்வன் பணிமொழி அன்றோ-நம்

பெண்மை உடைக்கும் படை!.

1259

'புலப்பல்' எனச் சென்றேன்; புல்லினேன், நெஞ்சம்

கலத்தல் உறுவது கண்டு.

1260

நிணம் தீயில் இட்டன்ன நெஞ்சினார்க்கு உண்டோ-

புணர்ந்து ஊடி நிற்பேம் எனல்?.