பொருள் செயல் வகை 751-760 | Thirukkural, திருக்குறள் 751 - 760

பொருள் செயல்          வகை

        751

பொருள் அல்லவரைப் பொருளாகச் செய்யும்

பொருள் அல்லது, இல்லை பொருள்.

       752

இல்லாரை எல்லாரும் எள்ளுவர்; செல்வரை

எல்லாரும் செய்வர், சிறப்பு.

       753

பொருள் என்னும் பொய்யா விளக்கம், இருள் அறுக்கும்-

எண்ணிய தேயத்துச் சென்று.

       754

அறன் ஈனும்; இன்பமும் ஈனும்;-திறன் அறிந்து,

தீது இன்றி வந்த பொருள்.

       755

அருளொடும், அன்பொடும் வாராப் பொருள் ஆக்கம்

புல்லார், புரள விடல்!.

       756

உறு பொருளும், உல்கு பொருளும், தன் ஒன்னார்த்

தெறு பொருளும்,-வேந்தன் பொருள்.

       757

அருள் என்னும் அன்பு ஈன் குழவி, பொருள் என்னும்

செல்வச் செவிலியால், உண்டு.

       758

குன்று ஏறி, யானைப் போர் கண்டற்றால்-தன் கைத்து ஒன்று

உண்டாகச் செய்வான் வினை.

       759

செய்க பொருளை! செறுநர் செருக்கு அறுக்கும்

எஃகு அதனின் கூரியது இல்.

       760

ஒண் பொருள் காழ்ப்ப இயற்றியார்க்கு, எண் பொருள்-

ஏனை இரண்டும் ஒருங்கு.