செங்கோன்மை

          541

ஓர்ந்து, கண்ணோடாது, இறை புரிந்து, யார்மாட்டும்

தேர்ந்து, செய்வஃதே முறை.

         542

வான் நோக்கி வாழும் உலகு எல்லாம்;-மன்னவன்

கோல் நோக்கி வாழும் குடி.

         543

அந்தணர் நூற்கும், அறத்திற்கும், ஆதியாய்

நின்றது-மன்னவன் கோல்.

         544

குடி தழீஇக் கோல் ஓச்சும் மா நில மன்னன்

அடி தழீஇ நிற்கும், உலகு.

         545

இயல்புளிக் கோல் ஓச்சும் மன்னவன் நாட்ட-

பெயலும் விளையுளும் தொக்கு.

         546

வேல் அன்று, வென்றி தருவது; மன்னவன்

கோல்; அதூஉம், கோடாது எனின்.

          547

இறை காக்கும், வையகம் எல்லாம்; அவனை

முறை காக்கும், முட்டாச் செயின்.

          548

எண் பதத்தான் ஓரா, முறை செய்யா, மன்னவன்

தண் பதத்தான் தானே கெடும்.

         549

குடி புறங்காத்து, ஓம்பி, குற்றம் கடிதல்

வடு அன்று; வேந்தன் தொழில்.

         550

கொலையில், கொடியாரை, வேந்து ஒறுத்தல் பைங்கூழ்

களை கட்டதனொடு நேர்.