சுற்றம் தழால்

     521

பற்று அற்றகண்ணும் பழமை பாராட்டுதல்

சுற்றத்தார்கண்ணே உள.

     522

விருப்பு அறாச் சுற்றம் இயையின், அறுப்பு அறா

ஆக்கம் பலவும் தரும்.

     523

அளவளாவு இல்லாதான் வாழ்க்கை-குளவளாக்

கோடு இன்றி நீர் நிறைந்தற்று.

     524

சுற்றத்தால் சுற்றப்பட ஒழுகல், செல்வம்தான்

பெற்றத்தால் பெற்ற பயன்.

     525

கொடுத்தலும் இன் சொலும் ஆற்றின், அடுக்கிய

சுற்றத்தால் சுற்றப்படும்.

     526

பெருங் கொடையான், பேணான் வெகுளி, அவனின்

மருங்கு உடையார் மா நிலத்து இல்.

     527

காக்கை கரவா கரைந்து உண்ணும்; ஆக்கமும்

அன்ன நீரார்க்கே உள.

     528

பொது நோக்கான், வேந்தன் வரிசையா நோக்கின்,

அது நோக்கி வாழ்வார் பலர்.

     529

தமர் ஆகி, தன்-துறந்தார் சுற்றம் அமராமைக்

காரணம் இன்றி வரும்.

     530

உழைப் பிரிந்து காரணத்தின் வந்தானை, வேந்தன்

இழைத்து இருந்து, எண்ணிக் கொளல்.