அலர் அறிவுறுத்தல்

1141

அலர் எழ, ஆர் உயிர் நிற்கும்; அதனைப்

பலர் அறியார், பாக்கியத்தால்.

1142

மலர் அன்ன கண்ணாள் அருமை அறியாது,

அலர் எமக்கு ஈந்தது, இவ் ஊர்.

1143

உறாஅதோ, ஊர் அறிந்த கௌவை? அதனைப்

பெறாஅது பெற்றன்ன நீர்த்து.

1144

கவ்வையான் கவ்விது, காமம்; அது இன்றேல்,

தவ்வென்னும், தன்மை இழந்து.

1145

களித்தொறும் கள் உண்டல் வேட்டற்றால்-காமம்

வெளிப்படும்தோறும் இனிது.

1146

கண்டது மன்னும் ஒரு நாள்; அலர் மன்னும்

திங்களைப் பாம்பு கொண்டற்று.

1147

ஊரவர் கௌவை எருவாக,அன்னை சொல்

நீராக, நீளும்-இந் நோய்.

1148

'நெய்யால் எரி நுதுப்பேம்' என்றற்றால்-'கௌவையான்

காமம் நுதுப்பேம்' எனல்.

1149

அலர் நாண ஒல்வதோ-'அஞ்சல் ஓம்பு!' என்றார்

பலர் நாண நீத்தக்கடை?.

1150

தாம் வேண்டின் நல்குவர், காதலர்; யாம் வேண்டும்

கௌவை எடுக்கும், இவ் ஊர்.