வரைவு இல் மகளிர்

911

அன்பின் விழையார், பொருள் விழையும் ஆய்தொடியார்

இன் சொல் இழுக்குத் தரும்.

912

பயன் தூக்கிப் பண்பு உரைக்கும் பண்பு இல் மகளிர்

நயன் தூக்கி, நள்ளா விடல்!.

913

பொருட்பெண்டிர் பொய்ம்மை முயக்கம்-இருட்டு அறையில்

ஏதில் பிணம் தழீஇயற்று.

914

பொருட்பொருளார் புன் நலம் தோயார்-அருட் பொருள்

ஆயும் அறிவினவர்.

915

பொது நலத்தார் புன் நலம் தோயார்-மதி நலத்தின்

மாண்ட அறிவினவர்.

916

தம் நலம் பாரிப்பார் தோயார்- தகை செருக்கி,

புன் நலம் பாரிப்பார் தோள்.

917

நிறை நெஞ்சம் இல்லவர் தோய்வர்-பிற நெஞ்சில்

பேணி, புணர்பவர் தோள்.

918

'ஆயும் அறிவினர் அல்லார்க்கு அணங்கு' என்ப-

‘மாய மகளிர் முயக்கு'.

919

வரைவு இலா மாண் இழையார் மென் தோள்-புரை இலாப்

பூரியர்கள் ஆழும் அளறு.

920

இரு மனப் பெண்டிரும், கள்ளும், கவறும்.-

திரு நீக்கப்பட்டார் தொடர்பு.