ஒழுக்கம் உடைமை 131 - 140 | Thirukkural, திருக்குறள் 131 - 140

ஒழுக்கம் உடைமை

131

ஒழுக்கம் விழுப்பம் தரலான், ஒழுக்கம்

உயிரினும் ஓம்பப்படும்.

132

பரிந்து ஓம்பிக் காக்க, ஒழுக்கம்-தெரிந்து ஓம்பித்

தேரினும், அஃதே துணை!.

133

ஒழுக்கம் உடைமை குடிமை; இழுக்கம்

இழிந்த பிறப்பாய் விடும்.

134

மறப்பினும், ஒத்துக் கொளல் ஆகும்; பார்ப்பான்

பிறப்பு ஒழுக்கம் குன்றக் கெடும்.

135

அழுக்காறு உடையான்கண் ஆக்கம் போன்று இல்லை-

ஒழுக்கம் இலான்கண் உயர்வு.

136

ஒழுக்கத்தின் ஒல்கார் உரவோர்-இழுக்கத்தின்

ஏதம் படுபாக்கு அறிந்து.

137

ஒழுக்கத்தின் எய்துவர், மேன்மை; இழுக்கத்தின்

எய்துவர், எய்தாப் பழி.

138

நன்றிக்கு வித்து ஆகும் நல் ஒழுக்கம்; தீ ஒழுக்கம்

என்றும் இடும்பை தரும்.

139

ஒழுக்கம் உடையவர்க்கு ஒல்லாவே-தீய

வழுக்கியும், வாயால் சொலல்.

140

உலகத்தோடு ஒட்ட ஒழுகல், பல கற்றும்,

கல்லார் அறிவிலாதார்.