பிரிவு ஆற்றாமை 1151-1160 | Thirukkural, திருக்குறள் 1151-1160

பிரிவு ஆற்றாமை

1151

செல்லாமை உண்டேல், எனக்கு உரை; மற்று நின்

வல்வரவு, வாழ்வார்க்கு உரை.

1152

இன்கண் உடைத்து அவர் பார்வல்; பிரிவு அஞ்சும்

புன்கண் உடைத்தால், புணர்வு.

1153

அரிதுஅரோ, தேற்றம்-அறிவுடையார்கண்ணும்

பிரிவு ஓர் இடத்து உண்மையான்.

1154

அளித்து, ‘அஞ்சல்!’ என்றவர் நீப்பின், தெளித்த சொல்

தேறியார்க்கு உண்டோ, தவறு?.

1155

ஓம்பின், அமைந்தார் பிரிவு ஓம்பல்! மற்று அவர்

நீங்கின், அரிதால், புணர்வு!.

1156

பிரிவு உரைக்கும் வன்கண்ணர் ஆயின், அரிது, ‘அவர்

நல்குவர்’ என்னும் நசை.

1157

துறைவன் துறந்தமை தூற்றாகொல்-முன்கை

இறை இறவாநின்ற வளை!.

1158

இன்னாது, இனன் இல் ஊர் வாழ்தல்; அதனினும்

இன்னாது, இனியார்ப் பிரிவு.

1159

தொடின் சுடின் அல்லது, காமநோய் போல,

விடின் சுடல் ஆற்றுமோ, தீ?.

1160

அரிது ஆற்றி, அல்லல் நோய் நீக்கி, பிரிவு ஆற்றி,

பின் இருந்து, வாழ்வார் பலர்.