தெரிந்து

வினையாடல்

      511

நன்மையும் தீமையும் நாடி, நலம் புரிந்த

தன்மையான் ஆளப்படும்.

      512

வாரி பெருக்கி, வளம் படுத்து, உற்றவை

ஆராய்வான் செய்க வினை!.

      513

அன்பு, அறிவு, தேற்றம், அவா இன்மை, இந் நான்கும்

நன்கு உடையான்கட்டே தெளிவு.

      514

எனை வகையான் தேறியக்கண்ணும், வினை வகையான்

வேறாகும் மாந்தர் பலர்.

      515

அறிந்து, ஆற்றி, செய்கிற்பாற்கு அல்லால், வினைதான்

சிறந்தான் என்று ஏவற்பாற்று அன்று.

      516

செய்வானை நாடி, வினை நாடி, காலத்தோடு

எய்த உணர்ந்து, செயல்!.

      517

'இதனை, இதனால், இவன் முடிக்கும்' என்று ஆய்ந்து,

அதனை அவன்கண் விடல்!.

      518

வினைக்கு உரிமை நாடிய பின்றை, அவனை

அதற்கு உரியன் ஆகச் செயல்.

      519

வினைக்கண் வினையுடையான் கேண்மை வேறாக

நினைப்பானை நீங்கும், திரு.

      520

நாள்தோறும் நாடுக, மன்னன்-வினைசெய்வான்

கோடாமைக் கோடாது உலகு.