புதல்வரைப் பெறுதல் 61 - 70 | Thirukkural, திருக்குறள் 61 - 70

புதல்வரைப் பெறுதல்

61

பெறுமவற்றுள் யாம் அறிவது இல்லை-அறிவு அறிந்த

மக்கட்பேறு அல்ல பிற.

62

எழுபிறப்பும் தீயவை தீண்டா-பழி பிறங்காப்

பண்புடை மக்கட் பெறின்.

63

தம் பொருள் என்ப தம் மக்கள்; அவர் பொருள்

தம்தம் வினையால் வரும்.

64

அமிழ்தினும் ஆற்ற இனிதே-தம் மக்கள்

சிறு கை அளாவிய கூழ்.

65

மக்கள் மெய் தீண்டல் உடற்கு இன்பம்; மற்று அவர்

சொல் கேட்டல் இன்பம், செவிக்கு.

66

'குழல் இனிது; யாழ் இனிது' என்ப-தம் மக்கள்

மழலைச் சொல் கேளாதவர்.

67

தந்தை மகற்கு ஆற்றும் நன்றி அவையத்து

முந்தி இருப்பச் செயல்.

68

தம்மின், தம் மக்கள் அறிவுடைமை மா நிலத்து

மன் உயிர்க்கு எல்லாம் இனிது.

69

ஈன்ற பொழுதின் பெரிது உவக்கும்-தன் மகனைச்

சான்றோன் எனக் கேட்ட தாய்.

70

மகன் தந்தைக்கு ஆற்றும் உதவி, ‘இவன் தந்தை

என் நோற்றான்கொல்!’ எனும் சொல்.