நட்பு ஆராய்தல்

     791

நாடாது நட்டலின் கேடு இல்லை; நட்டபின்,

வீடு இல்லை, நட்பு ஆள்பவர்க்கு.

     792

ஆய்ந்து ஆய்ந்து கொள்ளாதான் கேண்மை, கடைமுறை,

தான் சாம் துயரம் தரும்.

     793

குணனும், குடிமையும், குற்றமும், குன்றா

இனனும், அறிந்து யாக்க நட்பு.

     794

குடிப் பிறந்து, தன்கண் பழி நாணுவானைக்

கொடுத்தும் கொளல் வேண்டும், நட்பு.

     795

அழச் சொல்லி, அல்லது இடித்து, வழக்கு அறிய

வல்லார் நட்பு ஆய்ந்து கொளல்!.

     796

கேட்டினும் உண்டு, ஓர் உறுதி-கிளைஞரை

நீட்டி அளப்பது ஓர் கோல்.

      797

ஊதியம் என்பது ஒருவற்குப் பேதையார்

கேண்மை ஒரீஇ விடல்.

      798

உள்ளற்க, உள்ளம் சிறுகுவ! கொள்ளற்க,

அல்லற்கண் ஆற்றறுப்பார் நட்பு!.

      799

கெடும் காலைக் கைவிடுவார் கேண்மை, அடும் காலை

உள்ளினும், உள்ளம் சுடும்.

      800

மருவுக, மாசு அற்றார் கேண்மை! ஒன்று ஈத்தும்

ஒருவுக, ஒப்பு இலார் நட்பு!.