மடி இன்மை

    601

குடி என்னும் குன்றா விளக்கம், மடி என்னும்

மாசு ஊர, மாய்ந்து கெடும்.

    602

மடியை மடியா ஒழுகல்-குடியைக்

குடியாக வேண்டுபவர்!.

    603

மடி மடிக் கொண்டு ஒழுகும் பேதை பிறந்த

குடி மடியும், தன்னினும் முந்து.

    604

குடி மடிந்து, குற்றம் பெருகும்-மடி மடிந்து,

மாண்ட உஞற்று இலவர்க்கு.

    605

நெடு நீர், மறவி, மடி, துயில், நான்கும்

கெடும் நீரார் காமக் கலன்.

    606

படி உடையார் பற்று அமைந்தக்கண்ணும், மடி உடையார்

மாண் பயன் எய்தல் அரிது.

    607

இடிபுரிந்து, எள்ளும் சொல் கேட்பர்-மடிபுரிந்து

மாண்ட உஞற்று இலவர்.

    608

மடிமை குடிமைக்கண் தங்கின், தன் ஒன்னார்க்கு

அடிமை புகுத்திவிடும்.

    609

குடி, ஆண்மையுள் வந்த குற்றம், ஒருவன்

மடி ஆண்மை மாற்ற, கெடும்.

    610

மடி இலா மன்னவன் எய்தும்-அடி அளந்தான்

தாஅயது எல்லாம் ஒருங்கு.