கல்லாமை

       401

அரங்கு இன்றி வட்டு ஆடியற்றே-நிரம்பிய

நூல் இன்றிக் கோட்டி கொளல்.

       402

கல்லாதான் சொல் காமுறுதல், முலை இரண்டும்

இல்லாதாள் பெண் காமுற்றற்று.

       403

கல்லாதவரும் நனி நல்லர்-கற்றார்முன்

சொல்லாது இருக்கப்பெறின்.

       404

கல்லாதான் ஒட்பம் கழிய நன்று ஆயினும்,

கொள்ளார், அறிவு உடையார்.

       405

கல்லா ஒருவன் தகைமை, தலைப்பெய்து

சொல்லாட, சோர்வுபடும்.

       406

உளர் என்னும் மாத்திரையர் அல்லால், பயவாக்

களர் அனையர்-கல்லாதவர்.

       407

நுண் மாண் நுழை புலம் இல்லான் எழில் நலம்

மண் மாண் புனை பாவை அற்று.

       408

நல்லார்கண் பட்ட வறுமையின் இன்னாதே-

கல்லார்கண் பட்ட திரு.

       409

மேற்பிறந்தார் ஆயினும் கல்லாதார், கீழ்ப்பிறந்தும்

கற்றார் அனைத்து இலர் பாடு.

       410

விலங்கொடு மக்கள் அனையர்-இலங்கு நூல்

கற்றாரொடு ஏனையவர்.