அவை அஞ்சாமை

       721

வகை அறிந்து, வல் அவை, வாய்சோரார்-சொல்லின்

தொகை அறிந்த தூய்மையவர்.

       722

கற்றாருள் கற்றார் எனப்படுவர்-கற்றார்முன்

கற்ற செலச் சொல்லுவார்.

       723

பகையகத்துச் சாவார் எளியர்; அரியர்

அவையகத்து அஞ்சாதவர்.

       724

கற்றார்முன் கற்ற செலச் சொல்லி, தாம் கற்ற,

மிக்காருள், மிக்க கொளல்.

       725

ஆற்றின், அளவு அறிந்து கற்க-அவை அஞ்சா

மாற்றம் கொடுத்தற்பொருட்டு.

       726

வாளொடு என், வன்கண்ணர் அல்லார்க்கு?-நூலொடு என்,

நுண் அவை அஞ்சுபவர்க்கு?.

       727

பகையகத்துப் பேடி கை ஒள் வாள்-அவையகத்து

அஞ்சுமவன் கற்ற நூல்.

       728

பல்லவை கற்றும், பயம் இலரே-நல் அவையுள்

நன்கு செலச் சொல்லாதார்.

       729

'கல்லாதவரின் கடை' என்ப- ‘கற்று அறிந்தும்,

நல்லார் அவை அஞ்சுவார்'.

       730

உளர் எனினும், இல்லாரொடு ஒப்பர்-களன் அஞ்சி,

கற்ற செலச் சொல்லாதார்.