நல்குரவு 1041-1050 | Thirukkural, திருக்குறள் 1041-1050

நல்குரவு

1041

'இன்மையின் இன்னாதது யாது?' எனின், இன்மையின்

இன்மையே இன்னாதது.

1042

இன்மை என ஒரு பாவி, மறுமையும்

இம்மையும் இன்றி, வரும்.

1043

தொல் வரவும் தோலும் கெடுக்கும், தொகையாக-

நல்குரவு என்னும் நசை.

1044

இற்பிறந்தார்கண்ணேயும், இன்மை, இளி வந்த

சொல் பிறக்கும் சோர்வு தரும்.

1045

நல்குரவு என்னும் இடும்பையுள் பல்குரைத்

துன்பங்கள் சென்று படும்.

1046

நற் பொருள் நன்கு உணர்ந்து சொல்லினும், நல்கூர்ந்தார்

சொல் பொருட் சோர்வு படும்.

1047

அறம் சாரா நல்குரவு, ஈன்ற தாயானும்,

பிறன் போல நோக்கப்படும்.

1048

இன்றும் வருவது கொல்லோ-நெருநலும்

கொன்றது போலும் நிரப்பு!.

1049

நெருப்பினுள் துஞ்சலும் ஆகும்; நிரப்பினுள்

யாது ஒன்றும் கண்பாடு அரிது.

1050

துப்புரவு இல்லார் துவரத் துறவாமை

உப்பிற்கும் காடிக்கும் கூற்று.