பெரியாரைத் துணைக்கோடல்

             441

அறன் அறிந்து மூத்த அறிவு உடையார் கேண்மை

திறன் அறிந்து, தேர்ந்து, கொளல்.

            442

உற்ற நோய் நீக்கி, உறாஅமை முன் காக்கும்

பெற்றியார்ப் பேணிக் கொளல்.

            443

அரியவற்றுள் எல்லாம் அரிதே-பெரியாரைப்

பேணித் தமராக் கொளல்.

            444

தம்மின் பெரியார் தமரா ஒழுகுதல்,

வன்மையுள் எல்லாம் தலை.

            445

சூழ்வார் கண் ஆக ஒழுகலான், மன்னவன்

சூழ்வாரைச் சூழ்ந்து கொளல்.

            446

தக்கார் இனத்தனாய், தான் ஒழுக வல்லானைச்

செற்றார் செயக்கிடந்தது இல்.

           447

இடிக்கும் துணையாரை ஆள்வாரை, யாரே,

கெடுக்கும் தகைமையவர்.

           448

இடிப்பாரை இல்லாத ஏமரா மன்னன்

கெடுப்பார் இலானும், கெடும்.

           449

முதல் இலார்க்கு ஊதியம் இல்லை;-மதலை ஆம்

சார்பு இலார்க்கு இல்லை, நிலை.

           450

பல்லார் பகை கொளலின் பத்து அடுத்த தீமைத்தே-

நல்லார் தொடர் கைவிடல்.