இடன் அறிதல்

     491

தொடங்கற்க எவ் வினையும்; எள்ளற்க-முற்றும்

இடம் கண்டபின் அல்லது!.

    492

முரண் சேர்ந்த மொய்ம்பினவர்க்கும் அரண் சேர்ந்து ஆம்

ஆக்கம் பலவும் தரும்.

    493

ஆற்றாரும் ஆற்றி அடுப-இடன் அறிந்து

போற்றார்கண் போற்றிச் செயின்.

    494

எண்ணியார் எண்ணம் இழப்பர்-இடன் அறிந்து

துன்னியார் துன்னிச் செயின்.

    495

நெடும் புனலுள் வெல்லும் முதலை; அடும், புனலின்

நீங்கின், அதனைப் பிற.

    496

கடல் ஓடா, கால் வல் நெடுந் தேர்; கடல் ஓடும்

நாவாயும் ஓடா, நிலத்து.

    497

அஞ்சாமை அல்லால், துணை வேண்டா-எஞ்சாமை

எண்ணி இடத்தான் செயின்.

    498

சிறு படையான் செல் இடம் சேரின், உறு படையான்

ஊக்கம் அழிந்து விடும்.

    499

சிறை நலனும் சீரும் இலர் எனினும், மாந்தர்

உறை நிலத்தொடு ஒட்டல் அரிது.

    500

கால் ஆழ் களரில் நரி அடும், கண் அஞ்சா

வேல் ஆள் முகத்த களிறு.