குடிமை

951

இற் பிறந்தார்கண் அல்லது இல்லை-இயல்பாகச்

செப்பமும் நாணும் ஒருங்கு.

952

ஒழுக்கமும், வாய்மையும், நாணும், இம் மூன்றும்

இழுக்கார்-குடிப் பிறந்தார்.

953

நகை, ஈகை, இன் சொல், இகழாமை, நான்கும்

வகை என்ப-வாய்மைக் குடிக்கு.

954

அடுக்கிய கோடி பெறினும், குடிப் பிறந்தார்

குன்றுவ செய்தல் இலர்.

955

வழங்குவது உள்வீழ்ந்தக்கண்ணும், பழங்குடி

பண்பின் தலைப் பிரிதல் இன்று.

956

சலம் பற்றிச் சால்பு இல செய்யார்-'மாசு அற்ற

குலம் பற்றி வாழ்தும்' என்பார்.

957

குடிப்பிறந்தார்கண்-விளங்கும்-குற்றம், விசும்பின்

மதிக்கண் மறுப்போல், உயர்ந்து.

958

நலத்தின்கண் நார் இன்மை தோன்றின், அவனைக்

குலத்தின்கண் ஐயப்படும்.

959

நிலத்தில் கிடந்தமை கால் காட்டும்;-காட்டும்,

குலத்தில் பிறந்தார் வாய்ச் சொல்.

960

நலம் வேண்டின், நாண் உடைமை வேண்டும்; குலம் வேண்டின்,

வேண்டுக, யார்க்கும் பணிவு!.