அரண்

741

ஆற்றுபவர்க்கும் அரண் பொருள்; அஞ்சித் தற்

போற்றுபவர்க்கும் பொருள்.

742

மணி நீரும், மண்ணும், மலையும், அணி நிழல்

காடும், உடையது-அரண்.

743

'உயர்வு, அகலம், திண்மை, அருமை, இந் நான்கின்

அமைவு அரண்'.என்று உரைக்கும் நூல்.

744

சிறு காப்பின் பேர் இடத்தது ஆகி, உறு பகை

ஊக்கம் அழிப்பது-அரண்.

745

கொளற்கு அரிதாய், கொண்ட கூழ்த்து ஆகி, அகத்தார்

நிலைக்கு எளிது ஆம் நீரது-அரண்.

746

எல்லாப் பொருளும் உடைத்தாய், இடத்து உதவும்

நல் ஆள் உடையது-அரண்.

747

முற்றியும், முற்றாது எறிந்தும், அறைப்படுத்தும்,

பற்றற்கு அரியது-அரண்.

748

முற்று ஆற்றி முற்றியவரையும், பற்று ஆற்றி,

பற்றியார் வெல்வது-அரண்.

749

முனை முகத்து மாற்றலர் சாய, வினைமுகத்து

வீறு எய்தி மாண்டது-அரண்.

750

எனை மாட்சித்து ஆகியக்கண்ணும், வினை மாட்சி

இல்லார்கண் இல்லது-அரண்.