குடி செயல் வகை

1021

'கருமம் செய'-ஒருவன்-’கைதூவேன்’ என்னும்

பெருமையின், பீடு உடையது இல்.

1022

ஆள்வினையும், ஆன்ற அறிவும், என இரண்டின்

நீள் வினையான், நீளும் குடி.

1023

'குடி செய்வல்' என்னும் ஒருவற்கு, தெய்வம்

மடி தற்று, தான் முந்துறும்.

1024

சூழாமல் தானே முடிவு எய்தும்-தம் குடியைத்

தாழாது உஞற்றுபவர்க்கு.

1025

குற்றம் இலனாய், குடி செய்து வாழ்வானைச்

சுற்றமாச் சுற்றும், உலகு.

1026

நல் ஆண்மை என்பது ஒருவற்குத் தான் பிறந்த

இல் ஆண்மை ஆக்கிக்கொளல்.

1027

அமரகத்து வன்கண்ணர் போல, தமரகத்தும்

ஆற்றுவார் மேற்றே, பொறை.

1028

குடி செய்வார்க்கு இல்லை, பருவம்; மடி செய்து,

மானம் கருத, கெடும்.

1029

இடும்பைக்கே கொள்கலம்கொல்லோ-குடும்பத்தைக்

குற்றம் மறைப்பான் உடம்பு!.

1030

இடுக்கண் கால் கொன்றிட, வீழும்-அடுத்து ஊன்றும்

நல் ஆள் இலாத குடி.