கண் விதுப்பு அழிதல்

1171

கண்தாம் கலுழ்வது எவன்கொலோ-தண்டா நோய்,

தாம் காட்ட, யாம் கண்டது!.

1172

தெரிந்து உணரா நோக்கிய உண்கண் பரிந்து உணரா,

பைதல் உழப்பது எவன்?.

1173

கதுமெனத் தாம் நோக்கித் தாமே கலுழும்

இது நகத்தக்கது உடைத்து.

1174

பெயல் ஆற்றா நீர் உலந்த, உண்கண்-உயல் ஆற்றா

உய்வு இல் நோய் என்கண் நிறுத்து.

1175

படல் ஆற்றா, பைதல் உழக்கும்-கடல் ஆற்றாக்

காம நோய் செய்த என் கண்.

1176

ஓஒ, இனிதே!-எமக்கு இந் நோய் செய்த கண்

தாஅம் இதற்பட்டது.

1177

உழந்து உழந்து உள்நீர் அறுக-விழைந்து இழைந்து

வேண்டி அவர்க் கண்ட கண்!.

1178

பேணாது பெட்டார் உளர்மன்னோ-மற்று அவர்க்

காணாது அமைவு இல கண்.

1179

வாராக்கால், துஞ்சா; வரின், துஞ்சா; ஆயிடை

ஆர் அஞர் உற்றன கண்.

1180

மறை பெறல் ஊரார்க்கு அரிது அன்றால்-எம்போல்

அறை பறை கண்ணார் அகத்து.