தெரிந்து செயல் வகை 461-470 | Thirukkural, திருக்குறள் 461 - 470

தெரிந்து செயல் வகை

           461

அழிவதூஉம் ஆவதூஉம் ஆகி, வழிபயக்கும்

ஊதியமும் சூழ்ந்து, செயல்!.

           462

தெரிந்த இனத்தொடு தேர்ந்து எண்ணிச் செய்வார்க்கு

அரும் பொருள் யாது ஒன்றும் இல்.

           463

ஆக்கம் கருதி, முதல் இழக்கும் செய்வினை

ஊக்கார், அறிவு உடையார்.

           464

தெளிவு இலதனைத் தொடங்கார்-இளிவு என்னும்

ஏதப்பாடு அஞ்சுபவர்.

           465

வகை அறச் சூழாது எழுதல், பகைவரைப்

பாத்திப் படுப்பது ஓர் ஆறு.

           466

செய்தக்க அல்ல செயக் கெடும்; செய்தக்க

செய்யாமையானும் கெடும்.

           467

எண்ணித் துணிக, கருமம்; துணிந்தபின்,

எண்ணுவம் என்பது இழுக்கு.

           468

ஆற்றின் வருந்தா வருத்தம், பலர் நின்று

போற்றினும், பொத்துப்படும்.

           469

நன்று ஆற்றலுள்ளும் தவறு உண்டு-அவரவர்

பண்பு அறிந்து ஆற்றாக்கடை.

           470

எள்ளாத எண்ணிச் செயல்வேண்டும்-தம்மொடு

கொள்ளாத கொள்ளாது உலகு.